ქართველებმა ფორტუნა მოიგეს: სლოვანი ჩემპიონი გახდა

ქართველების „სლოვანმა“ ქვეყნის ჩემპიონატი მოიგო. ფორტუნა ლიგაში „სლოვანმა“ სტუმრად „ბანსკა ბისტრიცას“ 2:1 მოუგო და სლოვაკეთის ჩემპიონობა ოფიციალურად გაიფორმა.

ჩემპიონობის ბედი ფაქტობრივად წინა ტურში გადაწყდა, როდესაც „სლოვანმა“ უშუალო კონკურენტი „დუნაისკა სტრედა“ დაამარცხა და 5-ქულიანი უპირატესობის გამო დარჩენილ ორ ტურში ქულაც ჰყოფნიდა.

ძირითად შემადგენლობაში იყვნენ ჯაბა კანკავა და გიორგი ჩაკვეტაძე (72-ე წუთზე შეცვალეს), გურამ კაშიამ თამაში ზედმეტი ყვითელი ბარათების გამო გამოტოვა.

დუკლა – სლოვანი 1:2
გოლები: 0:1 ჩავრიჩი (12), 0:2 ჩავრიჩი (62, პენ), 1:2 დეპეტრისი (90)

„სლოვანი“ ქვეყნის ჩემპიონი ზედიზედ მეხუთედ გახდა, ისტორიაში კი მეცამეტედ. გურამ კაშიამ და ჯაბა კანკავამ ტიტული ზედიზედ მეორედ მოიპოვეს, ხოლო გიორგი ჩაკვეტაძე სლოვაკეთის ჩემპიონის ოქროს მედალს პირველად აიღებს.