სანდრო ბაზაძემ მსოფლიო თასი მოიგო

ქართველი ხმლით მოფარიკავე სანდრო ბაზაძე მადრიდის მსოფლიო თასის გამარჯვებული გახდა. მან ყველა მეტოქე დამაჯერებლად დაამარცხა.

კლასიფიკაციიდან გამომდინარე, ჩვენიანი საკვალიფიკაციო ორთაბრძოლებისგან თავისუფალი იყო. შეჯიბრებაში 1/32 ფინალიდან ჩაება. ჰანსოლ ჰა (კორეა) დაამარცხა – 15:12, შემდეგ სანგვონ პარკი (კორეა, 15:11) და მიჩელ სერონი (აშშ, 15:12). მეოთხედფინალში ევროპის ჩემპიონატების სამ-სამგზის ვერცხლისა და ბრინჯაოსმედალოსან ბოლად აპიტის (საფრანგეთი) აჯობა – 15:10. ნახევარფინალში მსოფლიოს მეორე და ევროპის მესამეადგილოსან მაქსიმ პიანფეტის (საფრანგეთი) მოიშორა – 15:11. ფონალში კი რიკარდო ნუჩიო (იტალია) დაამარცხა – 15:6.

სანდრო 2022 წლის მადრიდის მსოფლიო თასიდან დღემდე ზედიზედ მე-11 ტურნირზე (მსოფლიო ჩემპიონატი, ევროპის ჩემპიონატი, გრან პრი, მსოფლიო თასი) საუკეთესო სამეულში ხვდება.

მადრიდში გამართულ მსოფლიოს თასზე საქართველოს შვიდი წარმომადგენელი მონაწილეობდა:

30. ბექა ბაზაძე, 120. ვახტანგ არჩვაძე, 128. ნიკოლოზ ჭეიშვილი, 157. მიხაილ ალფაიძე, 174. გოგა კაკაურიძე, 194. ლაშა კუჭუხიძე.

დღეს, 14 მაისს მსოფლიოს თასებზე ხმლით ფარიკაობაში გუნდური შეხვედრები გაიმართება.