რონალდოს მარადონას პრიზს მისცემენ როგორც წლის ბომბარდირს

კრიშტიანო რონალდო წლის საუკეთესო ბომბარდირის პრიზს მიიღებს.

38 წლის პორტუგალიელს 19 იანვარს, Globe Soccer Awards-2023-ის ცერემონიაზე დიეგო მარადონას სახელობის პრიზს გადასცემენ როგორც 2023 წლის შედეგებით კლუბსა და ნაკრებში საუკეთესო ბომბარდირს.

რონალდომ 2023 წელს, 59 მატჩში 54 გოლი გაიტანა. მან გაასწრო კილიან მბაპეს (52 გოლი 53 მატჩში), ჰარი კეინს (52 გოლი 57 მატჩში) და ერლინგ ჰოლანდს (50 გოლი 60 მატჩში).

2021 წელს მარადონას სახელობის პრიზი რობერტ ლევანდოვსკიმ მიიღო, ხოლო გასულ წელს ის არ გადაუციათ.