ანორთოსისი დასრულდა: ლორია დინამოში გადმოვიდა

გიორგი ლორია კვიპროსის „ანორთოსისიდან“ მოდის. ვეტერანმა მეკარემ ამის შესახებ სოციალიურ ქსელში დაწერა და ისიც აღნიშნა, რომ კარიერის დასრულება სწორედ ამ კლუბში სურდა.

ლორიამ „ანორთოსისში“ 4 სეზონი გაატარა და არა მარტო პირველი მეკარე იყო, არამედ ერთ-ერთი საუკეთესო ფეხბურთელიც. ბოლოს კაპიტანიც იყო.

კონტრაქტი ძალაში კიდევ ერთი წელი იყო, მაგრამ მხარეები შეთანხმდნენ თანამშრომლობის მისაღები პირობებით გაწყვეტაზე.

გიორგი 9 წლის შემდეგ სამშობლოში ბრუნდება და კვლავ თბილისის „დინამოში“ ითამაშებს. თუ გახსოვთ, ლორია ევროპაში სწორედ „დინამოდან“ წავიდა, ბერძნულ ოფი-ში. ეს 2014 წელს მოხდა.

საქართველოს ნაკრების მეკარე მალე 38 წლის გახდება.