ჩხუბი, გაძევებები და ანორთოსისი თასის ნახევარფინალშია

კვიპროსის თასის განმეორებით 1/4 ფინალურ შეხვედრაში ფამაგუსტას “ანორთოსისისი” “აპოელს” დაუპირისპირდა 1:0 დაამარცხა, პირველი მატჩი 1:2 ჰქონდა წაგებული, მაგრამ სტუმრად გატანილი გოლის წესის თანახმად მომდევნო ეტაპზე ფამაგუსტელები გავიდნენ. კვიპროსში სტუმრად გატანილი გოლის წესი ჯერ კიდევ მოქმედებს.

“ანორთოსისის” შემადგენლობაში გიორგი ლორია სათადარიგო იყო. “აპოელში” გიორგი ქვილითაიას და ბუბა დაუშვილს ტრავმა აქვთ, თორნიკე ოქრიაშვილი მოედანზე 69-ე წუთზე გამოჩნდა.

მატჩი ყველანაირად დაძაბული გამოდგა. “აპოელმა” შეხვედრა 7 ფეხბურთელით დაასრულა. დაძაბულობა არც მატჩის დასრულების შემდეგ გამქრალა და ფეხბურთელებმა გუნდი-გუნდზე იჩხუბეს.

საბოლოოდ 1:0 და “ანორთოსისი” ტიტულისთვის ბრძოლას აგრძელებს. შეგახსენებთ, თემურ ქეცბაიას “ანორთოსისი” კვიპროსის თასის მოქმედი გამარჯვებულია.