Exclusive: სამტრედიიდან ქუთაისში – ცეცაძე ტორპედოს გაწვრთნის

ქუთაისის “ტორპედოში” ჯერ კიდევ დაულაგებელი სიტუაციაა. ქუთაისურ კლუბში ახალი ინვესტორი მოვიდა “ნიუ ვიჟენ უნივერსიტეტის” სახით, მაგრამ ჯერჯერობით გუნდში შედეგების მხრივ არაფერი შეცვლილა.

“ტორპედო” სატურნირო ცხრილში მერვე ადგილზეა და ფლეი-აუტის ზონაშია და გუნდიდან მთავარი მწვრთნელი კახა ჩხეტიანი გაუშვეს.

Sport4me.ge-ს ექსკლუზიური ინფორმაციით, “ტორპედოს” გია ცეცაძე გაწვრთნის. ცეცაძე ბოლოს “სამტრედიაში” მუშაობდა, მაგრამ იმერული კლუბი ბოლო ადგილზეა და მხოლოდ სასწაულლი თუ გადაარჩენს. ცეცაძემ კი, გუნდი არადამაკმაყოფილებელი შედეგების გამო დატოვა.

ცეცაძე “სამტრედიაში” 2015-2017 წლებშიც მუშაობდა და სწორედ მისი ხელმზღვანელობით მოახერხა “სამტრედიამ” ისტორიაში პირველად მოიპოვა საქართველოს ჩემპიონის ტიტული. ასევე, მისი ხელმძღვანელობით გუნდმა საქართველოს სუპერთაიც მოიგო.

შემდეგ ცეცაძე საქართველოს 21-წლამდელთა ნაკრებსაც წვრთნიდა, მაგრამ გუნდი მსაჯთან კონფლიქტის გამო დატოვა. შემდეგ კი, მის კარიერაში უკრაინული “ლვოვი” იყო, რომელშიც ცეცაძემ თამაშიც ვერ მოიგო.