ნაპოლი კვარაცხელიას უარყოფს

ქართული ფეხბურთის მთავარმა იმედმა და საქართველოს ნაკრების ერთ-ერთმა ლიდერმა ხვიჩა კვარაცხელიამ ყაზანის “რუბინი” დატოვა და სანაკრებო პაუზის შემდეგ იგი რუსეთში აღარ დაბრუნდება.

რუსულ მედიაში აქტიურად იწერება იმის შესახებ, რომ ახალგაზრდა ქართველი ფეხბურთელის შეძენით იტალიური “ნაპოლია” დაინტერესებული.

ამასთან დაკავშირებით რუსული metaratings.ru ნეაპოლური კლუბის პრესატაშეს გვიდო ბალდარის კომენტარს აქვეყნებს, რომელიც ინფორმაციას ქართველი ფეხბურთელის შესაძლო ტრანსფერზე უარყოფს.

გეტყვით, რომ ხვიჩა კვარაცხელიას ყაზანის “რუბინთან” კონტრაქტი 2024 წლამდე აკავშირებს და transfermarket-ის მონაცემებით, მისი სატრანსფერო ღირებულება 16 მილიონი ევროა.