კვირკველია ალმერიაში?

ესპანური გამოცემა ESTADIO DEPORTIVO იუწყება, რომ საქართველოს ნაკრებისა და ხარკოვის “მეტალისტის” ცენტრალური მცველის საბა კვირკველიას შეძენით ესპანური “ალმერია” არის დაინტერესებული.

მოგეხსენებათ, უკრაინასა და რუსეთში შექმნილი საომარი მდგომარეობის გამო, მსოფლიო ფეხბურთის მმართველმა ორგანომ ამ ქვეყნებში მოთამაშე ლეგიონერებს კლუბებიდან წასვლის შესაძლებლობა მისცა. ესპანური გამოცემა ამტკიცებს, რომ ესპანელებისთვის უკრაინულ ბაზარზე რამდენიმე საინტერესო ფეხბურთელა და მათ შორის ერთ-ერთი მათგანი საბა კვირკველიაა.

შეგახსენებთ, “ალმერიას” ღირსებას გიორგი მაკარიძე იცავს.

კვირკველიას გასული სეზონის ბოლოს მოსკოვის “ლოკომოტივთან” კონტრაქტი ამოეწურა და რუსეთის ჩემპიონატი დატოვა. ქართველმა მცველმა, რომელსაც ტრანსფერმარკტი 1,5 მილიონ ევროდ აფასებს, უკრაინის პრემიერლიგის აწ უკვე შეწყვეტილ სეზონში 6 მატჩი ჩაატარა.