ჰოლანდმა პრემიერლიგაში ყველა გუნდს გაუტანა: მანამდე ეს მხოლოდ ერთ ფეხბურთელს გამოსვლია

ერლინგ ჰოლანდმა ყველა იმ გუნდს გაუტანა, ვისაც პრემიერლიგაში შეხვდა.

„სიტის“ ფორვარდმა „ბრენტფორდის“ კარი 71-ე წუთზე აიღო ინგლისის ჩემპიონატის გადადებულ მე-18 ტურის შეხვედრაში.

ახლა ნორვეგიელის ანგარიშზე ყველა, 21-ვე მეტოქის კარში გატანილი გოლია.

ის მხოლოდ მეორე ფეხბურთელია, რომელმაც მოახერხა და ყველა მოწინააღმდეგეს გაუტანა. ადრე ეს ჰარი კეინმა მოახერხა – 32-დან 32.

ჰოლანდმა მიმდინარე ჩემპიონატში 17 გოლი გაიტანა 20 შეხვედრაში.