რომან ფიფია: ახლა კარგ ტრანსფერებსა და ჩემპიონთა ლიგაზე უნდა ვიფიქროთ

თბილისის “დინამომ” ეროვნული ლიგის ბოლო ტურში “გაგრა” 2:1 დაამარცხა და საქართველოს ჩემპიონი ისტორიაში მეცხრამეტედ გახდა.

მატჩის შემდეგ მედიასთან მოკლე კომენტარი დედაქალაქური კლუბის პრეზიდენტმა რომან ფიფიამ გააკეთა.

“სასიხარულოა, თქვენც გილოცავთ. თბილისის “დინამო” უკვე კაი ხანია არ ყოფილა საქართველოს ჩემპიონი.

ახლა მთავარია გავიაროთ კარგი შეკრება და გავაკეთოთ კარგი ტრანსფერები, რომ მოვემზადოთ ჩემპიონთა ლიგის თამაშებისთვის. მადლობა ყველას, ვინც “დინამოს” გულშემატკივრობდა. ჩვენ ჩემპიონები დამსახურებულად გავხდით”, – თქვა ფიფიამ