in

შერმადინმა 4 ქულა ჩააგდო, “ტენერიფე” გალიდერდა

გიორგი შერმადინის “ტენერიფე” ესპანეთის ჩემპიონატის ერთპიროვნული ლიდერია. კუნძულელებმა მორიგი ტურის მატჩი მოიგეს და მადრიდის “რეალიც”, “ბარსელონაც” და ნებისმიერი სხვა გუნდიც ზურგს უკან მოიტოვეს. 9 მოგება და 1 მარცხი – ეს ერთი წაგება ტენერიფელებს “ბარსელონასთან” აქვთ, რომელმაც მიმდინარე სეზონში უკვე მე-3 მარცხი (7 მოგების წიილ) განიცადა და ცხრილში მე-4 ადგილზეა.

ტენერიფელთა მორიგი მსხვერპლი მადრიდის “ფუენლაბრადა” აღმოჩნდა. შერმადინის გუნდმა მატჩი 97:72 მოიგო. მეტოქეთა შორის სხვაობა იმდენად დიდი იყო, რომ ქართველი ცენტრის დიდად დატვირთვა საჭირო არ გამოდგა. გიორგი სასტარტო ხუთეულში იყო და 15:32

წუთში 8 ქულა და 4 მოხსნა მიითვალა.

საქართველოს ნაკრების კალათბურთელმა 4-დან 3 ორქულიანი და 2-ვე საჯარიმო ჩააგდო, ბურთი 2-ჯერ დაკარგა, 2 პერსონალური ფოლი მიიღო, მის წინააღმდეგ კი 3-ჯერ დაჯარიმდნენ.

ტენერიფელთა რიგებში საუკეთესო ფინელი სასუ სალინი იყო, რომელმაც 6 სამქულიანი გამოიყენა და 21 ქულა მოაგროვა, ბრაზილიელმა მარსელინიო უერტასმა კი 17 ქულას 8 პასი წაამატა.

შერმადინის გუნდმა 10 ტურში 9 მოგება მოაგროვა და როგორც აღვნიშნეთ, პირველ ადგილზეა. “ლენოვო ტენერიფე” მომდევნო შეხვედრას 10 დეკემბერს ბადალონაში “ხუვენტუტთან” ჩაატარებს.

GBF.GE

What do you think?

Leave a Reply

Your email address will not be published. Required fields are marked *

GIPHY App Key not set. Please check settings

მესი საუკეთესო ფეხბურთელობის მთავარი პრეტენდენტია

რომან ფიფია: ახლა კარგ ტრანსფერებსა და ჩემპიონთა ლიგაზე უნდა ვიფიქროთ