თბილისის “დინამოს” ყოფილი ფეხბურთელი ლევან კუტელია, რომელიც ამჯერად ისრაელში გამოდის, თანდათან ფორმაში შედის და შთამბეჭდავ მატჩებს აჩვენებს.
ისრაელის ჩემპიონატის აუტსაიდერთა ჯგუფის 35-ე ტურის შეხვედრაში ლევან კუტალიას უმ ალ-ფაჰმის “ჰაპოელი” რაანანას “ჰაპოელს” შეხვდა და 2:3 დამარცხდა.
შეხვედრა მასპინძელთა უპირატესობით დაიწყო და მე-4, მე-9 და 46-ე წუთზე გატანილი გოლებით რაანანას „ჰაპოელი“ 3:0 დაწინაურდა. ამის შემდეგ, ლევან კუტალიას დრო დადგა. ქართველი თავდამსხმელი 52-ე წუთზე მეკარესთან პირისპირ გავიდა და მოჭრილი დარტყმით ეფექტურად გაიტანა. 64-ე წუთზე კი, ბურთი საჯარიმოს გარეთ მიიღო და ზუსტი დარტყმით სხვაობა მინიმუმამდე შეამცირა.
სამწუხაროდ, ეს საკმარისი არ აღმოჩნდა უმ ალ-ფაჰმის „ჰაპოელისთვის“, რომელმაც ანგარიშის გათანაბრება ვეღარ შეძლო და ზედიზედ მესამედ დამარცხდა.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
გუნდი 36 ქულით ბოლოდან მესამე ადგილზეა. ამდენივე ქულა აქვს აკრეს „ჰაპოელსაც“ და სეზონის დასრულებამდე ორი ტურით ადრე ქართველის გუნდი ლიგიდან გავარდნის რეალური საფრთხის წინაშე დგას.
ლევან კოტალია ისრაელში ნელ-ნელა ათამაშდა და 16 მატჩში 7 გოლით გუნდის საუკეთესო ბომბარდირია, იმის მიუხედავად, რომ ახალ კლუბში თელ-ავივის „ჰაპოელიდან“ იანვარში გადავიდა.
GIPHY App Key not set. Please check settings