Plazadeportivo:სილესენი მამარდაშვილს ვერ სჯობს

ვინ უნდა იდგეს “ვალენსიას” კარში? გიორგი მამარდაშვილი თუ იასპერ სილესენი. plazadeportivo საინტერესო სტატიას აქვეყნებს.

“სილესენის დაბრუნებამ “ვალენსიას” ვერ უშველა. ბორდალასის გუნდი უკვე ექვსი თამაშია გამარჯვებას ვერ ახერხებს. მათ კარში კი ნიდერლანდელის ყოფნამ ბევრი ვერაფერი შეცვალა. მან კარი მშრალად მხოლოდ ერთ მატჩში შეინახა და ოთხ შეხვედრაში ექვსი გოლი გაუშვა.

ეს კი იმას ნიშნავს, რომ იასპერ სილესენი დავალებას თავს არც ისე კარგად ართმევს. აქედან გამომდინარე შეიძლება მის თქმა, რომ სილესენი მამარდაშვილს ვერ ჯობია.ლა ლიგის მიმდინარე სეზონში, “ვალენსიას” 10 ტურის შემდეგ 13 ქულა აქვს და სატურნირო ცხრილში მეათე ადგილს იკავებს. მომდევნო მატჩს “ღამურები” ხვალ, სტუმრად “ბეტისთან” ჩაატარებენ.”-წერს გამოცემა

გიორგი მამარდაშვილმა ლა ლიგაში 6 მატჩი ითამაშა.კარი ორჯერ შეინახა მშრალად და 7 ბურთი გაუშვა.