ბასილაშვილი მონტე კარლოს დიმიტროვით დაიწყებს

ხვალ, თიხის სეზონი იწყება. მონტე კარლოს მასტერსზე საქართველოს პირველი ჩოგანი ნიკოლოზ ბასილაშვილიც იასპარეზებს.

ტურნირის პირველ წრეში ქართველი ჩოგბურთელის მეტოქე ATP-ის ყოფილი მესამე ჩოგანი ბულგარელი გრიგორ დიმიტროვი იქნება.

ბასილაშვილი და დიმიტროვი ერთადერთხელ 2017 წელს არიან ერთმანეთს შეხვედრილნი და მაშინ ბულგარელმა ორ სეტში 6:1; 6:3 მოიგო..

ბასილაშვილს მონტე კარლოში სამჯერ აქვს ნათამაშები და სამივე შემთხვევაში პირველივე რაუნდში დამარცხდა.