ჯერ რეალი: ამაზონზე მადრიდელები ყველაზე კარგად ვაჭრობენ

მადრიდის „რეალმა“ ყველაზე მეტი ფული იშოვა მაისურების გაყიდვით პლატფორმა Amazon-ზე.

Marca ეყრდნობა Kiliagon-ის ანალიტიკურ მონაცემებს და წერს, რომ მადრიდელებმა 3.3 მლნ ევროს მაისურები გაყიდეს. ეს კი საუკეთესო მაჩვენებელია ესპანურ, ინგლისურ, ფრანგულ და იტალიურ კლუბებში. ბრუნვა 2018 წელთან შედარებით 400%-ით გაიზარდა.

მეორე ადგილზეა პსჟ – 2.2 მლნ ევრო. მესამე ადგილი დაიკავა „მილანმა“. იტალიის ჩემპიონმა 1.5 მლნ-ზე მეტი იშოვა. „ბარსელონა“ მხოლოდ მეექვსეა – 700 ათასი ევრო.

ხსენებულ ოთხ ლიგაში Amazon-ის მეშვეობით გაყიდული მაისურების საერთო ღირებულება 12.3 მლნ ევროდ ფასდება.