ასეთი მატჩები საქართველოში არ გვაქვს: დილამ ისე წააგო, რომ მოგება შეუძლია

გორის „დილას“ ევროასპარეზაზე საკმაოდ ძლიერი მეტოქე შეხვდა – სლოვაკეთის ვიცე-ჩემპიონი „დუნაისკა სტრედა“. ფავორიტიც ჩვენი მეტოქეა, მაგრამ გორელებმა ისე ითამაშეს სტუმრად, რომ გულშემატკივრებს საპასუხო მატჩის წინ იმედი მისცეს. „დილა“ მინიმალური სხვაობით დამარცხდა – 1:2.

პირველი რეალური საგოლე მომენტი გორელებმა შექმნეს, მაგრამ მერე მოკლე მონაკვეთში დაცვაში მეტოქე გუნდის ფეხბურთელები უყურადღებოდ დავტოვეთ და მასპინძლებმა მიჯრით ორი გოლი გაიტანეს.
„დილამ“ შესვენებამდე მოახერხა გაქვითვა: კოვტალიუკმა მახვილი კუთხიდან შეძლო გატანა.

განმეორებითი მატჩი 20 ივლისს გორში, „თენგიზ ბურჯანაძეზე“ გაიმართება.

კონფერენსლიგა. I საკვალიფიკაციო ეტაპი. I მატჩი

დუნაისკა სტრედა – დილა 2:1
13.07. დუნაისკა სტრედ. მოლ არენა. 6 269 მაყურებელი
1:0 ტრუსა (33. კალმარის პასით), 2:0 რამადანი (36. კაჩერის პასით), 2:1 კოვტალიუკი (43)

დილა: კუჩერენკო – ჩიტეიშვილი, ძოწენიძე, ეტუ (87. ზ. თევზაძე), ვანდერსონ სილვა – ჟან ვიქტორი, ალეფ სანტოსი, ფარულავა (64. სარდალიშვილი) – გომისი (72. მზვაკალი), გეილი, კოვტალიუკი (64. ს. კუხიანიძე)
სათადარიგოები: ჩიკაშუა – ასამოა, გაფრინდაშვილი, ანდრონიკაშვილი
მთავარი მწვრთნელი: ანდრეი დემჩენკო
გაფრთხილება: ალეფ სანტოსი (45), კოვტალიუკი (45), კაჩერი (61), რიზვანისი (61), სარდალიშვილი (77), კრსტოვიჩი (90)
არბიტრი: ჯ. ჟილე (ავსტრალია)

ანდრეი დემჩენკო („დილას“ მწვრთნელი):
„ხარისხიან მეტოქეს ვეთამაშეთ, იყო მატჩი,რომლის მსგავსი, ჩვეულებრივ, საქართველოში ნაკლებად გვაქვს, ორი შეცდომა დავუშვით და მასპინძლებმა კონტრშეტევების შედეგად გაიტანეს. ვცდილობდით, ჩვენი ძალა ფლანგებზე გამოგვეყენებინა. საპასუხო მატჩში ყველაფერს გავაკეთებთ შემდეგ ეტაპზე გასასვლელად“.