ოლიმპიადა დამთავრდა, მაგრამ ჩრდილოეთ კორეაში გუშინ დაიწყო: ფხენიანი თამაშებს ახლა აშუქებს

ტოკიოს ოლიმპიადა უკვე 5 დღეა დასრულდა, მაგრამ ჩრდილოეთ კორეისთვის ახლა იწყება. ფხენიანის ცენტრალურმა ტელევიზიამ ოლიმპიადის გაშუქება ახლახანს დაიწყო.

ინფორმაციას BBC ავრცელებს. წყაროს ცნობით, კორეის ცენტრალურმა ტელევიზიამ გუშინ აჩვენა ოლიმპიადის ქალთა საფეხბურთო ტურნირის მატჩი დიდი ბრიტანეთის ნაკრებსა და ჩილეს შორის, რომელიც 21 ივლისს გაიმართა.

მოგეხსენებათ, ჩრდილოეთ კორეამ იაპონიაში დელეგაცია კორონავირუსისგან თავის დასაცავად არ გაუშვა.

გაგახსენებთ, რომ 2018 წლის ზამთრის ოლიმპიურ თამაშებზე ჩრდილოეთ კორეა და სამხრეთ კორეა ოლიმპიურ თამაშებზე გაერთიანებული გუნდით წარდგა.