გერმანული ტრიუმფის შემდეგ, ბასილაშვილი მადრიდში დამარცხდა

მიუნხენური ტრიუმფის შემდეგ, ნიკოლოზ ბასილაშვილმა მადრიდში გადაინაცვლა. საქართველოს ყველა დროის საუკეთესო ჩოგბურთელმა მადრიდის 1000-იანი მასტერსის პირველ ეტაპზპე ფრანგ ბენუა პაირესთან ითამაშა და ორ სეტში 4:6; 5:7 დამარცხდა.

ნიკასთვის თამაში ცუდად დაიწყო. ქართველმა სტარტზე ორი საკუთარი მოწოდება წააგო და 0:3-ს აგებდა. მერე ნიკამ ზედიზედ ოთხი გეიმი მოიგო და თითქოს თამაშში გარდატეხაც უნდა შეეტანა, მაგრამ ფრანგმა ისევ შეძლო ბრეიქის შესრულება და პირველი სეტი 4:6.

მეორე სეტში ჩოგბურთელები საკუთარ მოწოდებებს იგებდნენ, თუმცა ბოლოს ბენუამ ისევ შეძლო ბასილაშვილის მოწოდების აღება და გაიმარჯვა კიდეც. ნიკასთვის კი, მადრიდის მასტერსი ნაადრევად დასრულდა.