რაგბი ევროპის ოფიციალურმა ვებგვერდმა განვლილი 18-წლამდელთა ევროპის ჩემპიონატის სიმბოლური ნაკრები დაასახელა და მასში ერთბაშად 7 ქართველი მორაგბე მოხვდა.
საუკეთესო თხუთმეტეულში მოხვდნენ: ბურჯი ირაკლი აფციაური, მესამეხაზელები რატი ზაზაძე და ნიკოლოზ სუთიძე, 9 ნომერი დავით ხუროშვილი, მგეზავი პეტრე ხუციშვილი და გარემარბები – შალვა აფციაური და საბა არჩვაძე.
შეგახსენებთ, რომ უმცროსმა “ბორჯღალოსნებმა” რუსეთის ქალაქ კალინინგრადში გამართული ტურნირი ძალიან დამაჯერებლად მოიგეს და ევროპის ჩემპიონის ტიტული ზედიზედ მესამედ მოიგეს.
ქართველმა მორაგბეებმა მეოთხედფინალში ჩეხეთი 76:0 გაანადგურეს, ნახევარფინალში ბელგიელებს 37:3 სძლიეს, ფინალში კი პორტუგალიას აჯობეს – 27:0.
GIPHY App Key not set. Please check settings