ტურის ბოლო მატჩი კლასიკა – „მილანი“-„იუვენტუსი“ იყო და სხვა ვერც იქნებოდა ამაზე გამორჩეული, მაგრამ თავად ეს თამაში ვერ გამოვიდა გამორჩეული. უგოლო 0:0 ყველაფერზე მეტყველებს (ამ გუნდებმა სეზონში ორივე მატჩი ფრედ ითამაშეს). მაგრამ ეს ხომ იტალიაა – ტაქტიკა, შედეგი და სამწუხაროდ, მთავარი პეწის, გოლების ნაკლებობა.
![](https://avoe.ge/wp-content/uploads/2022/10/fbl-ita-seriea-ac-milan-juventus-9-1024x683.jpg)
ასევე 0:0 დაასრულა ზედიზედ მეორე თამაში „ატალანტამ“. მართალია ურთულეს მეტოქეებთან, ჯერ „ინტერთან“ და ახლა სტუმრად „ლაციოსთან“, მაგრამ ამდენი 0:0 მაინც ვერ არის კარგი ამბავი.
![](https://avoe.ge/wp-content/uploads/2022/10/Screenshot-2022-01-24-102859-1024x544.jpg)
ძალიან გაუჭირდა ლიდერ „ინტერს“. გამარჯვების გოლი სულ ბოლო წუთზე ჯეკომ გაიტანა და აკი თავად მატჩის შემდეგ „ვენეციასთან“ შეხვედრას ამ სეზონში ერთ-ერთი ურთულესი უწოდა.
არანაკლები სირთულე „ინტერს“ მომდევნი ტურში ელოდება, როდესაც დერბი აქვს თანაქალაქელ „მილანთან“.
მათ შორის სხვაობა ამ ეტაპზე 4 ქულაა („ინტერს“ თამაშიც აქვს თადარიგში).
![](https://avoe.ge/wp-content/uploads/2022/10/a03ceaacc65c0d216d75437edaf0a5bco2-1024x569.jpg)
„ინტერი“ ჩემპიონატში 14 მატჩია არ აგებს – 11 მოგება და 3 ფრე.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
გასპერინი: „არ შეიმიძლია „ლაციოსთან“ ფრე არ გამიხარდეს“.
ალეგრი კმაყოფილია „მილანთან“ 0:0-ით: „იუვეს“ რომ წაეგო, ჩამორჩენა 10 ქულა იქნებოდა“.
მოურინიო: „5:0 რომ დავწინაურებულიყავით, ხალხი ტელევიზორს გამორთავდა. ჩვენ აუდიტორია შევინარჩუნეთ“.
„რომას“ აბრაჰამმა 10 გოლი გაიტანა სერია ა-ში. ეს ინგლისელებისთვის რეკორდია 3-ქულიან ეპოქაში.
![](https://avoe.ge/wp-content/uploads/2022/10/Tammy-Abraham-goal-1-1024x682.jpg)
სერია ა – XXIII ტური
ვერონა – ბოლონია 2:1
ჯენოა – უდინეზე 0:0
ინტერი – ვენეცია 2:1
ლაციო – ატალანტა 0:0
კალიარი – ფიორენტინა 1:1
ნაპოლი – სალერნიტანა 4:1
სპეცია – სამპდორია 1:0
ტორინო – სასუოლო 1:1
ემპოლი – რომა 2:4
მილანი – იუვენტუსი 0:0
GIPHY App Key not set. Please check settings