ჩვენები ჩემპიონთა ლიგაზე: ევროპაშიც და აზიაშიც -25 ქართველი და არშემდგარი დუელი რონალდოსთან

ევროპაში ჩემპიონთა ლიგა დაიწყო, აზიაში კი დაწყებული იყო. აზიურ ტურნირს ინტერესი საუდის არაბეთის კლუბებში დიდი ვარსკვლავების მისვლამ შესძინა, ამ ტურნირზე კი ქართველი ფეხბურთელებიც გამოდიან.

დონეცკის „შახტარმა“ „შინ“ ჰამბურგში „პორტოსთან“ 1:3 წააგო.
დონეცკელეთა ძირითადში არ ყოფილა არც გიორგი გოჩოლეიშვილი და არც ირაკლი აზაროვი. აზაროვი 65-ე წუთზე შევიდა, ხოლო გოჩოლეიშვილი 76-ე წუთზე. ამით ჩემპიონთა ლიგის ჯგუფურ ეტაპზე ნათამაშები ქართველი ფეხბურთელების რაოდენობა 25-მდე გაიზარდა.

რაც შეეხება აზიის ჩემპიონთა ლიგას, გიორგი გველესიანის „პერსეპოლისი“ კრიშტიანო რონალდოს „ალ-ნასრის“ შეხვდა და 0:2 დამარცხდა.
მოულოდნელად „პერსეპოლისის“ კაპიტანი და ლიდერი გველესიანი ძირითად შემადგენლობაში მოედანზე არ გამოჩენილა.

ვაკო ყაზაიშვილის „ულსან ჰიუნდაიმ“ ჯგუფური ეტაპის პირველ ტურში ტაილანდურ „პატუმ იუნაიტედს“ უმასპინძლა და 3:1 გაიმარჯვა.
ქართველი ძირითადში იყო და შეუცვლელად ითამაშა, საგოლე პასიც გააკეთა და მოედანზე ერთ-ერთი საუკეთესოც იყო – 7.4.