შერმადინი ზედიზედ მესამედ მოხვდა სეზონის სიმბოლურ ხუთეულში

საქართველოს ნაკრებისა და “ლენოვო ტენერიფეს” ცენტრი გიორგი შერმადინი ზედიზედ მესამედ მოხვდა ესპანეთის ჩემპიონატის სიმბოლურ ხუთეულში.

ლიგა ენდესას სეზონის სიმბოლურ გუნდს – მწვრთნელები, კალათბურთელები, ჟურნალისტები და გულშემატკივრები ადგენდნენ (25% თითოეულზე).

33 წლის ქართველ კალათბურთელს წლევანდელ სეზონში 4-ჯერ დასახელდა ტურის საუკეთესო კალათბურთელად.

შერმადინის გარდა, სიმბოლურ ხუთეულში მისი თანაგუნდელი მარსელიონიო უერტასი, ნიკო ლაპროვიტოლა (ბარსელონა), ძანან მუსა (ბრეოგანი) და ჩიმა მონეკე (მანრესა) მოხვდნენ.

გიორგი შერმადინი ლიგა ენდესას სეზონის MVP-ის გამოკითხვაშიც არის ჩართული. გულშემატკივრების გამოკითხვის შემდეგ, იგი ძანან მუსას ჩამორჩა და მეორე ადგილზე გავიდა, ახლა ჯერი მწვრთნელებსა და ჟურნალისტებზეა. შეგახსენებთ, გიორგი მამარდაშვილი აღნიშნული ჯილდოს მოქმედი გამარჯვებულია.