in

დაუჭირე მხარი გიორგის: შერმადინი ესპანეთის MVP-სთვის იბრძვის – როგორ მივცეთ ხმა

ესპანეთის საკალათბურთო ლიგის საუკეთესო მოთამაშის პრიზის მოქმედი მფლობელი, გიორგი შერმადინი ისევ MVP-ის ტიტულისთვის იბრძვის და გამარჯვების შესანიშნავი შანსი აქვს. 2020-2021 წლების სეზონში “ლენოვო ტენერიფეს” ქართველმა ცენტრმა ფურორი მოახდინა და ის შედეგიანობა, რომელსაც მთელი გასული სეზონის განმავლობაში იჩენდა, ძვირფასი ტიტულის მოგებით დაუფასდა. შერმადინი ლიგა “ენდესას” საუკეთესო მოთამაშედ დაასახელა გამოკითხვაში მონაწილე ოთხივე სეგმენტმა – გულშემატკივრებმა (ონლაინ-გამოკითხვა), ლიგის მწვრთნელებმა, თავად მოთამაშეებმა და ჟურნალისტებმა.

დაიწყო მიმდინარე, 2021-2022 წლების სეზონის საუკეთესო მოთამაშის გამოსავლენი გამოკითხვა გულშემატკივართა შორის, რომელში მონაწილეობაც ნებისმიერ ადამიანს შეეძლება. გამოკითხვა წარმოებს Instagram-ისა Tweeter-ის გვერდებზე. ხმის მიცემისთვის უნდა შეხვიდეთ აღნიშნულ სოცქსელებში და მოძებნოთ ესპანეთის ჩემპიონატის ოფიციალური გვერდი (ACB.COM), სადაც შესაბამისი გამოკითხვის ბანერის ქვეშ დაწერთ კომენტარს #MVPMovistar Giorgi Shermadini.

გამოკითხვა იწარმოებს ასევე ესპანური ლიგის სპეციალურ აპლიკაციაში, რომლის ჩამოტვირთვაც როგორც ანდროიდის, ისე IOS-ის მომხმარებლებს ტელეფონიდან შეგეძლებათ:

ანდროიდი: https://play.google.com/store/apps/details?id=com.acb.www&fbclid=IwAR0aM93vNhZTTD-R_NuUmTTI6rdr7-v2aYiaR0KaNXnERSMalHIlqBq42Oo

IOS: https://apps.apple.com/app/id437202587?fbclid=IwAR2QVQyV5axG8XmlBGtd-G3bNMAFHftpVnoBW5kg3AoFZwIb9m06bTmBlLY

შეგახსენებთ, რომ ესპანური ლიგის მესვეურთა მიერ დადგენილი წესის თანახმად, გულშემატკივართან ერთად გამოიკითხებიან ლიგის მწვრთნელები, მოთამაშეები და ჟურნალისტები. თითოეულ სეგმენტს 25-პროცენტიანი ძალა აქვს, რაც იმას ნიშნავს, რომ გულშემატკივართა გამოკითხვის მოგებით კანდიდატი მთლიანი გამოკითხვის 1/4-ს ანუ 25%-ს მოიგებს.

ლიგის ხელმძღვანელობამ მოთამაშეები 3 პოზიციაზე გაანაწილა – უკანახაზელები (25 მოთამაშე), ფორვარდები (25) და ცენტრები (25). გულშემატკივართა გამოკითხვა, სადაც ნებისმიერ ადამიანს შეუძლია ხმის მიცემა, 13 მაისის საღამომდე გაგრძელდება.

გაითვალისწინეთ, რომ სამივე საშუალებით (Instagram, Twitter, ACB APP) 24 საათში ერთხელ მისცემთ ხმას. ლიგის ხელმძღვანელობამ დააწესა პერიოდი, როცა აღნიშნული სოციალური ქსელებით ხმის მიცემა ჩაითვლება ორად – ეს გახლავთ 2-დან 9 მაისის ჩათვლით თბილისის დროით 14:00-24:00 საათებს შორის პერიოდი.

ასევე, Twitter-ზე ხმის მიცემას ის უპირატესობა აქვს, რომ თქვენს მიერ დაწერილი ხმის დასაჭერი პოსტი რამდენჯერაც გადაზიარდება, ხმათა რაოდენობაც იმდენით გაიზრდება.

ხმის მისაცემი ბმული Twitter-ზე
ხმის მისაცემი ბმული Instagram-ზე
ხმის მიცემის მიმდინარე შედეგები: https://mvpmovistar.acb.com/

იაქტიურეთ, დაუჭირეთ მხარი ჩვენი ნაკრებისა და ესპანური “ტენერიფეს” ლიდერს, კიდევ ერთხელ გახდეს ევროპის უძლიერესი საკალათბურთო ჩემპიონატის საუკეთესო მოთამაშე!

What do you think?

Leave a Reply

Your email address will not be published. Required fields are marked *

GIPHY App Key not set. Please check settings

მბაპემ საპრეზიდენტო არჩევნებზე 10 ხმა მიიღო

ბათუმის დინამო განუთესავია: ჩემპიონის სავარაუდო მეტოქეთა არასრული სია