ქალთა ფეხბურთში სკანდალია: მეკარე – კაცია

იორდანიის ფეხბურთის ასოციაციის პრეზიდენტმა (JFA) ალი ბენ ალ-ჰუსეინმა აზიის საფეხბურთო კონფედერაციას (AFC) მოუწოდა ირანის ქალთა ნაკრების მეკარის ზოხრე კოუდაის გენდერული ტესტი ჩაატარონ. წერილის ასლი ტვიტერზეც გამოქვეყნდა.

ირანისა და იორდანიის ქალთა ნაკრებები 25 სექტემბერს შეხვდნენ 2022 წლის აზიის თასის საკვალიფიკაციო შეხვედრაში. მატჩი 0:0 დასრულდა, პენალტებში ირანელებმა 4:2 მოიგეს, კოუდაიმ კი 2 პენალტი მოიგერია. ამ შედეგმა ირანი ტურნირის ფინალურ ეტაპზე გაიყვანა.

JFA ირანელთა მეკარით დაეჭვდა. იორდანიაში მიჩნევენ, რომ კოუდაი მამაკაცია და გამჭირვალე გამოკვლევას ითხოვენ.

ალ-ჰუსეინი AFC-ს აკრიტიკებს ძალიან სერიოზული პრობლემის გამო და კონფედერაციას მოუწოდებს „გამოფხიზლდეს“.

წერილში ისიცაა აღნიშნული, რომ ირანის ქალთა ნაკრებს გენდერული პრობლემების (2015 წელს ირანის ნაკრების 8 ქალი-ფეხბურთელი კაცი აღმოჩნდა) დიდი გამოცდილება აქვს, ასევე დოპინგის პრობლემები.

ირანის ნაკრების მწვრთნელმა მარიამ ირანდოსტმა კატეგორიულად უარყო ბრალდება.