ფრანგმა ჩოგბურთელმა ტურნირზე 2 ევრო გამოიმუშავა

ფრანგმა ჩოგბურთელმა სარა ჩაკარევიჩმა პრაღაში ITF-ის ტურნირში მონაწილეობისთვის მიღებული პრიზი გაამხილა.

ჩოგბურთელმა მთლიანობაში 45 ევრო გამოიმუშავა. სახელმწიფო გადასახადის – 6,75 ევროს მოჭრის და ტურნირის სასტარტო ღირებულების – 36 ევროს გამოკლებით, ჩაკარევიჩმა მხოლოდ 2,25 ევრო მიიღო.

„უბრალოდ მინდა, რომ ITF–ს მადლობა გადავუხადო. კარგი, იქნებოდა ეს ხუმრობა ყოფილიყო… აი რას იღებ მაშინ, როცა მსოფლიოს 291–ე ჩოგანთან, მესამე სეტში 8:10-ით მარცხდები. ჩემი კუთვნილი 25 ცენტიც კი არ მომცეს. მადლობა ITF-ს უფასო ყავისთვის“, – დაწერა ფრანგმა Instagram-ის ისტორიაში.

აღსანიშნავია, რომ სარა ჩაკარევიჩი მსოფლიოს 410–ე ჩოგანია.