ფერდინანდს სასამართლოში უხმეს

რიო ფერდინანდი ვულვერჰემპტონის სასამართლოზე დაზარალებულის სტატუსით გამოიძახეს. საქმე ეხება, 2021 წლის 21 მარტს გამართულ მატჩს „ვულვზსა“ და „მანჩესტერ იუნაიტედს“ შორის, როდესაც რიო ექსპერტად მუშაობდა, ხოლო ერთ-ერთმა გულშემატკივარმა ის რასისტული ჟესტებით შეამკო.

„ჯეიმი არნოლდისგან რასისტული შეძახილები არ გამიგონია, თუმცა მისი სხეულის ენა ექსპრესიული იყო და ასეთი აგრესია მაშინაც არ მახსოვს, როდესაც ვთამაშობდი“.

ჯეიმი არნოლდი სტიუარდმა შენიშნა და სასამართლოზე ასეთი რამ თქვა: „ის მაიმუნის ჟესტებს გამოხატავდა და პირიდანაც უშვერ სიტყვებს უშვებდა“.

„ვულვზის“ ერთ-ერთმა ქომაგმაც მისცა ჩვენება და ისიც ადასტურებს, რომ არნოლდი რიოს რასისტული შეძახილებით „ამკობდა“.

თავად ბრალდებული ყველაფერს უარყოფს, თუმცა ვირის აბანოში პრემიუმ კლასის საწოლი და ორჯერადი კვება გარანტირებული აქვს.