რამდენი გამოიმუშავეს კლუბებმა წინა ჩემპიონთა ლიგაზე

უეფამ 2019/20 წლების სეზონის ჩემპიონთა ლიგის ფინანსური ანგარიში გამოაქვეყნა და კლუბების შემოსავალი გაამხილა.

როგორც გაირკვა ევროპის ყველაზე პრესტიჟულ ტურნირზე ყველაზე მეტი პსჟ-მ იშოვა, მიუხედავად იმისა, რომ ფინალში წააგო. კლუბის შემოსავალი 126 მილიონ 806 ათასი ევრო იყო.

მეორე ადგილზეა „ბაიერნი“ – 125 მილიონ 468 ათასი ევროთი.
ტოპ სამეულს „ბარსელონა“ – 100 მილიონ 251 ათასი ევროთი ასრულებს.

რეიტინგში მეოთხე ადგილს „მანჩესტერ სიტი“ იკავებს და მისი მაჩვენებელი 94 მილიონ 748 ათასი ევროა.
მეხუთეა „ატლეტიკო“, მადრიდელები წინა სეზონმა 91 მილიონ 454 ათასი ევროთი უფრო მდიდარი გახდა.