ნაპოლი სკუდეტოსთვის ოცნებას აგრძელებს და მათი იმედი კვარაცხელიაა

ხვიჩა კვარაცხელია იტალიურ მედიაში კვლავ აქტუალური თემაა და მისი მისამართით ინტერესი არ წყდება. იტალიურ მედიაში წერენ, რომ ნეაპოლელები სკუდეტოზე ოცნებას ისევ აგრძელებენ და თუ ეს ამ სეზონში არ მოხერხდა, ჩემპიონობას მომავალ წელს შეეცდებიან. ამისთვის კი, მათ მნიშვნელოვანი ნაბიჯი გადადგეს.

გამოცემა წერს, რომ დე ლაურენტის და ჯუნტოლს რთული მისია აკისრიათ დაივიწყონ ლორენცო ინსინიე და ახალ ვარსკლავად ისინი 2001 წელს დაბადებულ ქართველ გარემარბს ფიქრობენ.

როგორც ცნობილია, ხვიჩამ უკვე “ნაპოლიში” პირველადი სამედიცინო შემოწმებაც გაიარა და ივლისში “მარადონას” სტადიონზე ქართველ ტალანტს კლუბი ოფიციალურად წარადგენს.