Tato Nikuradze
23 წლის ქართველი ჩოგბურთელი მარიამ ბოლქვაძე კონკორდის (მასაჩუსეტსი, აშშ) საერთაშორისო ტურნირის (საპრიზო ფონდი 115 ათასი დოლარი) მეოთხედფინალში გავიდა და თანაც გზად განთესილ მეტოქეს მოუგო.
მარიამი Thoreau Tennis Open-ზე მე-7 რეიტინგის მქონე ბელგიელ გრეეტ მინენს გაეჯიბრა და ფავორიტად შერაცხულ მეტოქეს 6:4, 6:4 სძლია. ქართველმა ჩოგბურთელმა 1 ეისი მოაწოდა და 7 ორმაგი შეცდომა ჰქონდა. თამაში საათსა და 54 წუთს გაგრძელდა და მარიამმა 7-დან 6 ბრეიკ-პოინტი გამოიყენა, თავად კი, მოწოდება 4-ჯერ წააგო, არადა, მეტოქეს ერთბაშად 18 ბრეიკპოინტი გააჩნდა.
შეგახსენებთ, რომ ბოლქვაძემ ამერიკული ტურნირზე კვალიფიკაციის ჩათვლით, უკვე 4 მატჩი მოიგო, იმის გათვალისწინებით კი, რომ ივლისის შუაში ყაზახეთის დედაქალაქ ნურსულთანში გამართულ 60-ათასიან ტურნირზე იმარჯვა, ზურგს ზედიზედ 9 წარმატებული მატჩი უმაგრებს.
GIPHY App Key not set. Please check settings