ბოლქვაძე კვალიფიკაციაში დამარცხდა და როლან გაროსს გამოეთიშა

24 წლის ქართველი ჩოგბურთელი მარიამ ბოლქვაძე “როლან გაროსის” საკვალიფიკაციო რაუნდის პირველივე წრეში დამარცხდა.

მარიამი ავსტრალიელ სეონ მენდეზს დაუპირისპირდა და 6:3;4:6;2:6 დამარცხდა. მარიამისთვის ყველაფერიკარგად მიდიოდა და პირველი სეტიც მოიგო, მაგრამ შემდეგ 10 ორმაგი შეცდომა დაუშვა და დამარცხდა კიდეც.

კვალიფიკაციაში დღეს ჩაერთვება საქართველოს პირველი ქალი ჩოგანი ეკატერინე გორგოძე, რომლის მეტოქეც 19 წლის ფრანგი ლოი ბოისონი იქნება, რომელიც WTA-ს 576-ე ნომერია. ეკო კი კლასიფიკაციაში 109-ე ადგილს იკავებს.

“როლან გაროსზე” პირდაპირი ძირითადი ბადიდან დაიწყებს ნიკოლოზ ბასილაშვილი, რომელიც “როლან გაროსამდე” ჟენევაში ითამაშებს.