კიდევ ერთი ჩვენიანი იტალიაში: საზონოვი ტორინოში მიდის

მთელი საზაფხულო სატრანსფერო პერიოდი საბა საზონოვზე იწერებოდა, რომ მოსკოვს დატოვებდა და ევროპაში გააგრძელებდა კარიერას. ბევრი გუნდი დასახელდა და საბოლოოდ იქ მიდის, რომელიც არ ფიგურირებდა – „ტორინო“. ახალგაზრდა ქართველი მცველისთვის მშვენიერი ვარიანტია.

საზონოვმა მოსკოვის „დინამო“ უკვე დატოვა, ოთხშაბათს ტურინში იქნება, სამედიცინო შემოწმებას გაივლის და კონტრაქტსაც გააფორმებს.

ასე რომ, გამოდის სერია ა-ში 3 ქართველი გვეყოლება – კვარაცხელია, კვერნაძე და საზონოვი. ასეთი რამ კი არასოდეს მომხდარა.

ახალგაზრდა მცველი „უდინეზეს“ სურდა და 2 მილიონს იხდიდა, მაგრამ ტურინელებმა მილიონი დაამატეს და 3 მლნ ევროს ჩამოდიან.

ტრანსფერის შესახებ ინფორმაციას იტალიელი ჟურნალისტი ჯანლუკა დი მარციოც ავრცელებს.

„ტორინოს“ 2 ტურის შემდეგ 1 ქულა აქვს, 3 სექტემბერს კი „ჯენოას“ უმასპინძლებს.