კვირკველია გაგრაში ითამაშებს

საქართველოს ნაკრების ფეხბურთელი სოლომონ კვირკველია Crystalbet ეროვნულ ლიგაში ითამაშებს. 30 წლის ქართველი მცველი ზაფხულამდე საფეხბურთო კლუბ “გაგრაში” ითამაშებს.

კვირკველია ხარკოვის “მეტალისტი 1925”-ის საკუთრებაა, რომელსაც გასულ ზაფხულს შეუერთდა და ამ გუნდის მაისურით წლევანდელ სეზონში 6 მატჩი ჩაატარა. უკრაინაში შექმნილი საომარი ვითარების გამო, უკრაინაში მოთამაშე ფეხბურთელებს დროებით კლუბების დატოვების საშუალება მისცა და ეს შანსი კვირკველიამაც გამოიყენა.

სოლომონ კვირკველია სხვადასხვა დროს:ყაზანის “რუბინის”, “ნეფტიხიმკის”, მოსკოვის “ლოკომოტივის” და ვოლგოგრადის “როტორის” ღირსებას იცავდა.

კვირკველიას საქართველოს ნაკრების შემადგენლობაში 44 შეხვედრა აქვს ჩატარებული და მისი სატრანსფერო ღირებულება 1.5 მილიონი ევროა.