კაშია და მამარდაშვილი: ეროვნული ლიგის ყველაზე ძვირადღირებულები

Crystalbet ეროვნული ლიგის 2021 წლის გათამაშების ყველაზე ძვირადღირებული ფეხბურთელები თბილისის “ლოკომოტივს” ჰყავს. გერმანული Transfermaket-ის მონაცემებით, საქართველოს ჩემპიონატში მოთამაშე ფეხბურთელთაგან ყველაზე ძვირად გურამ კაშია და გიორგი მამარდაშვილი ფასობენ.

ვინ არიან ყველაზე ძვირიანები ტოპ ლიგებს მიღმა

საქართველოს ნაკრების ვიცე-კაპიტანი გურამ კაშია, რომელმაც თბილისურ გუნდთან 1-წლიანი კონტრაქტი გაფორმა, 500 000 ევრო ღირს.

ასევე 500 000 ევრო წერია “ლოკომოტივის” კარის დარაჯის გიორგი მამარდაშვილის გამოსასყიდ ფასად. 20 წლის მეკარე შარშან ეროვნული ლიგის საუკეთესო მეკარედ დასახელდა.

350 000 ევროდ არის შეფასებული ბათუმის “დინამოს” და საქართველოს ნაკრების ნახევარმცველი ჯაბა ჯიღაური.
ეროვნული ლიგის გასული სეზონის საუკეთესო ფეხბურთელი ირაკლი სიხარულიძე კი 300 000 ევრო ღირს.