ბითაძე დაბრუნდა: 5 ქულა და მარცხი საკრამენტოსთან

რამდენიმე მატჩის გამოტოვების შემდეგ, მოედანს “ინდიანა პეისერსის” ქართველი ცენტრი გოგა ბითაძე დაუბრუნდა. ინდიანაპოლისელებმა საკუთარ დარბაზში “საკრამენტო” მიიღეს და 93:104 დამარცხდნენ.

21 წლის ქართველმა პარკეტზე ამდენივე წუთი გაატარა და გუნდს 5 ქულით, 6 მოხსნით, 2 შედეგიანი გადაცემით და 2 დაფარებით დაეხმარა. მისი სარგებლიანობის მაჩვენებელი -2 იყო.

თითქმის სამმაგი დუბლი შეასრულა ლიეტუველმა დომანტას საბონისმა 17ქულა, 13 მოხსნა, 8 ასისტი, თუმცა ის “კინგსის” ერთ-ერთმა ლიდერმა მარვინ ბეგლიმ აშკარად დაჩაგრა (31ქ, 12მ).

გოგას გუნდს 30 მოგების წილ 35 მარცხი დაუგროვდა და აღმოსავლეთ კონფერენციაში მეცხრე ადგილზეა, რაც მინი პლეი-ოფში გასვლის საშუალებას იძლევა.