Tato Nikuradze
ნიკოლოზ ბასილაშვილმა, ტრადიციულად, მაგრად გვანერვიულა, მაგრამ მაინც მოიგო და მეცის ტურნირის 1/4 ფინალშია. მერვე ნომრად განთესილმა ქართველმა ჩოგბურთელმა ესპანელი ალეხანდრო დავიდოვიჩ ფოკინა სამ სეტში 0:6; 6:4; 7:6 დაამარცხა.
ბასილაშვილმა პირველი სეტი ნულზე წააგო. მეორე სეტო ნიკამ ბრეიქით დაიწყო, მაგრამ შეუძლოდ იგრძნო თავი და ცოტა ხნით სამედიცინო ტაიმაუტის აღება მოუწია. საბედნიეროდ, ყველაფერი კარგად დასრულდა და ქართველმა ჩოგბურთელმა სეტი გამარჯვებამდე მიიყვანა.
გადამწყვეტ სეტში ფოკინა 4:1 იგებდა და 5:4-ზე 4 მატჩპოინტიც ჰქონდა, მაგრამ ნიკამ ოთხივე მატჩ პოინტის გადარჩენა მოახერხა, გეიმიც მოიგო და სეტი ტაი-ბრეიქზე მიიყვანა. ტაი-ბრეიქზე უკეთესი ქართველი იყო და ბასილაშვილი მომდევნო ეტაპზე გავიდა.
ნიკოლოზ ბასილაშვილმა 7 ეისი მოაწოდა და 3 ორმაგი შეცდომა დაუშვა. 1/4 ფინალურ ეტაპზე ქართველი ჩოგბურთელის მეტოქე ფრანგი გაელ მონფილსი იქნება.
GIPHY App Key not set. Please check settings