მიუნხენის „ბაიერნმა“ ბუნდესლიგის მე-10 ტურში სტუმრად დორტმუნდის „ბორუსია“ გაანადგურა – 4:0. ბავარიელებმა ზედიზედ 4 მატჩი მოიგეს (საერთო ანგარიში 18:1) და მეორეზე არიან, 2 ქულით ჩამორჩებიან „ბაიერს“, „ბორუსია“ მე-4 ადგილზეა.
„ბაიერნი“ 11 მატჩია არ აგებს „დორტმუნდთან“ – 2019 წლის შემდეგ. მიუნხენელებმა 10 თამაში მოიგეს.
ბორუსია დ – ბაიერნი 0:4 (0:2, 0:2)
0:1 – 4 უპამეკანო, 0:2 – 9 კეინი, 0:3 – 72 კეინი, 0:4 – 90 კეინი.
ჰარი კეინმა ზედიზედ მეორე შეხვედრაში შეასრულა ჰეთ-თრიკი. წინა ტურში ინგლისელმა სამი გოლი „დარმშტადტს“ გაუტანა (8:0).
კეინი ჩემპიონატის ბომბარდირებში დაწინაურდა, 10 მატჩში 15 გოლი დაუგროვდა და 14 გოლიან „შტუტგარტის“ სერუ გირასის გაუსწრო.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
კეინმა გაიმეორა და შემდეგ მოხსნა კიდეც კლაუს მატიშაკის რეკორდი. ეს გახლავთ ერთადერთი ფეხბურთელი, რომელმაც ბინდესლიგის პირველ 10 მატჩში 13 გოლი გაიტანა. „შალკეს“ ექს-ფეხბურთელმა ასეთი რამ 1963/64 წლების სეზონში გააკეთა.
სულ კი კეინმა 14 მატჩი ითამაშა „ბაიერნში“ და 17 გოლი და 7 ასისტი (24 ქულა 14 მატჩში) შეასრულა.
![](https://sport4me.ge/wp-content/uploads/2023/11/1774918092.0-1024x683.jpg)
ჰარი კეინის ბომბარდირულ წარმატებაზე ტომას მიულერმა იხუმრა. თამაშის შემდეგ ინგლისელმა ტრადიციისამებრ ბურთი შინ წაიღო.
„მალე მას კიდევ ერთი ნომერი დასჭირდება სასტუმროში“, – იოხუნჯა მიულერმა.
GIPHY App Key not set. Please check settings