Vakhtang Daraselia
ჰარი კეინმა ისტორიაში ყველაზე სწრაფად გაიტანა 200 გოლი პრემიერლიგაში.
„ტოტენჰემის“ ფორვარდმა საიუბილეო გოლი „სიტის“ გაუტანა.
კეინი გახდა მესამე ფეხბურთელი ალან შირერისა (260 გოლი) და უეინ რუნის (208) შემდეგ, რომელმაც ამ ნიშნულს მიაღწია.
ამასთან, ჰარის ყველაზე ცოტა მატჩის ჩატარება დასჭირდა – 304. შირერმა 200 გოლი 306 თამაშში შეაგდო, რუნიმ – 462 მატჩში.
გარდა ამისა, ჰარი კეინი „ტოტენჰემის“ ისტორიაში საუკეთესო ბომბარდირი გახდა.
ფორვარდმა 267-ე გოლი გაიტანა ლონდონური კლუბის მაისურით ყველა ტურნირზე.
29 წლის ჰარიმ ჯიმი გრივზის რეკორდი გააუმჯობესა.
GIPHY App Key not set. Please check settings