ჩემპიონთა ლიგის დასკვნითი ტური დაიწყო და უკვე ბევრი რამ ვიცით. გუშინდელმა მატჩებმა კი არაერთი 1/8 ფინალისტის ვინაობა გამოარკვია.
“ბრიუგემ” ვერც ამჯერად იმარჯვა, მაგრამ პლეი ოფის საგზური განაღდებული იყო და “ლევერკუზენთან” 0:0-მა ვერაფერი შეცვალა.
ჯგუფის მეორე მატჩში, “პორტომ” “ატლეტიკო” 2:1 დაამარცხა და გამოსვლა პირველ ადგილზე დაასრულა. სიმეონეს გუნდი კი მე-4 ადგილზე აღმოჩნდა და ევროპულ საღამოებს დაემშვიდობა.
![](https://sport4me.ge/wp-content/uploads/2022/11/FggKUfLWAAIjgzY-1024x700.jpg)
ხვიჩა კვარაცხელიას “ნაპოლის” შესახებ ვიცით. იტალიელები პირველ ადგილზე გავიდნენ, “ლივერპული” კი მეორეზე, “აიაქსი” გადაინაცვლებს ევროპა ლიგაზე, ხოლო “რეინჯერსმა” ყველაფერი წააგო და შინ მიემგზავრება.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
პრინციპში, “ბაიერნის” 2:0-მა გამარჯვებამ “ინტერის” წინააღმდეგ ვერაფერი შეცვალა, რადგან აქ, ისედაც ყველაფერი გარკვეული იყო – “ბაიერნი” პირველზე, “ინტერი” მეორეზე, “ბარსა” მესამეზე და “პლზენი” ბოლოზე. ჰო, ბლაუგრანამ “პლზენი” 4:2 დაამარცხა.
აი ყველაზე დაძაბული სიტუაცია კი “ტოტენჰემის” ჯგუფში იყო. დეზებს 8 ქულა ჰქონდათ და 6 ქულიან “მარსელს” ესტუმრნენ. უუუდრამატულესი მატჩი კი ლონდონელთა გამარჯვებით, 2:1 დასრულდა და გამარჯვების გოლი პიერ ემილ ჰოიბერგმა 95-ე წუთზე გაიტანა.
![](https://sport4me.ge/wp-content/uploads/2022/11/Fggs2D0WIAEfikj-819x1024.jpg)
მეორე მატჩში კი 7-7 ქულიანმა “სპორტინგმა” და “აინტრახტმა” 1:2 დააფიქსირეს, შესაბამისად, გერმანელები მეორე ადგილზე აღმოჩნდნენ.
![](https://sport4me.ge/wp-content/uploads/2022/11/Fggo39uXoAIGTLq-1024x1024.jpg)
დღეს, ჩემპიონთა ლიგის ჯგუფური ეტაპი დასრულდება და წილისყრისთვის გავემზადებით, რომელიც პარასკევს შედგება.
GIPHY App Key not set. Please check settings