in

შერმადინის მორიგი MVP ჩემპიონთა ლიგაზე

გიორგი შერმადინის “ტენერიფემ” ჩემპიონთა ლიგაზე მორიგი მატჩი მოიგო. ესპანური კლუბი ტურნირის მეორე ეტაპზე ასპარეზობს და ჯგუფში მეტოქეებად უნგრული “სომბათჰეი”, ლიეტუვური “რიტასი” და ფრანგული “სტრასბური” ჰყავს. პირველ ტურში ტენერიფელებმა უნგრეთში იმარჯვეს, ამჯერად კი საფრანგეთში სტრასბურს შეხვდნენ და 85:67 დაამარცხეს. 

შერმადინი ტრადიციულად საუკეთესო იყო. მან ორივე გუნდის შემადგენლობაში საუკეთესო შედეგი დააფიქსირა. ქართველი ცენტრი სასტარტო ხუთეულში იყო და პარკეტზე 25:35 წუთი გაატარა, რა დროშიც 17 ქულა, 3 მოხსნა, 2 ჩაჭრა და 2 დაფარება მოაგროვა, ბურთი კი არ დაუკარგავს. შერმადინმა 6-დან 6 ორქულიანი და 8-დან 5 სამიანი ჩააგდო. 

ტენერიფელთა შემადგენლობაში სასუ სალინმა 16 ქულა მოაგროვა, კაილ ვილტიეს ანგარიშზე კი 10 ქულა დაგროვდა. სტრასბურელთაგან 12 ქულოთ გაილორ კურიე გამოირჩა.

2-დან 2 მოგებით ტენერიფე ჯგუფში პირველ ადგილზეა, თითო მოგება აქვთ სტრასბურს და რიტასს, ხოლო ბოლოზე 2 წაგებით უნგრული სომბათჰეია. შემდეგ მატჩს ტენერიფე 8 თებერვალს, შინ “ლიეტუვოს რიტასთან” გამართავს. 

What do you think?

Written by Tato Nikuradze

Leave a Reply

Your email address will not be published. Required fields are marked *

GIPHY App Key not set. Please check settings

ვიდეო: აბურჯანიამ ბენფიკას გაუტანა

კიტეიშვილი ისევ ტრავმირებულია