ქართველმა ლეგიონერებმა კვირას კიდევ ითამაშეს, თუმცა სამწუხაროდ რაიმე გამორჩეული არ არის.
საფრანგეთში თასის მატჩები იყო. 1/64 ფინალში „ბორდომ“ სტუმრად 1:0 დაამარცხა „ანგულემი“. დავითაშვილმა ძირითად შემადგენლობაში ითამაშა და პირველი ტაიმის ბოლოს რეალური საგოლე შანსი ვერ გამოიყენა.
ოთარ კიტეიშვილი „შტურმის“ ძირითადში დაბრუნდა „ალტახთან“ შეხვედრაში, რომელიც გრაცელებმა 1:0 მოიგეს.
„გრაცის ქართველი ჯადოქარი“, – ასე მიესალმა კლუბის ვებგვერდი ქართველი ნახევარმცველის ძირითად შემადგენლობაში დაბრუნებას.
ტრავმის შემდეგ კიტეიშვილმა „შტურმში“ ორი მატჩი შეცვლაზე ჩაატარა, ამჯერად კი 71 წუთი ითამაშა.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
სანდრო ალთუნაშვილმა „ვოლფსბერგერში“ შეუცვლელად ითამაშა „ჰარტბერგთან“ გასვლით შეხვედრაში, რომელიც მისმა გუნდმა 0:2 წააგო. ქართველმა ნახევარმცველმა 6.8 ქულა მიიღო, რაც გუნდში მეორე შეფასებაა.
საუდის არაბეთში საბა კვირკველიას “ალ ახდუდი” სტუმრად 0:2 დამარცხდა “ალ ვეჰდასთან”. კვირკველია შესვენებაზე შეცვალეს და მისი შეფასება არც თუ მაღალია – 5.8.
კვიპროსში აპოელმა 3:1 მოუგო “ზაკაკიუს”. კაპიტანი გიორგი ქვილითაია მე-80 წუთზე შეცვალეს, ლაშა დვალი ტრავმირებულია.
იტალიაში, „ქართული“ გუნდები შევხდნენ ერთმანეთს, ოღნდ ქართველების გარეშე. “ფროზინონე”-“ტორინო” 0:0 დასრულდა. გიორგი კვერნაძე და საბა საზონოვი სათადარიგოები იყვნენ.
ასევე სათადარიგოები იყვნენ თავიანთ გუნდებში ნიკა კვეკვესკირი (“ლეხი”-“პიასტი” 0:1) და გიორგი აბურჯანია (“ბაშაქშეჰირი”-“ჰათაისფორი” 1:0).
GIPHY App Key not set. Please check settings