საქართველოს ნაკრების ყოფილი კაპიტნის ჯაბა კანკავას და მოქმედი კაპიტნის გურამ კაშიას “სლოვანი”, რომელიც ოფიციალურად სლოვაკეთის ჩემპიონი გახდა, სეზონში მეორე ტიტულთანაც ახლოსაა.
“სლოვანმა” სლოვაკეთის თასის განმეორებით 1/2 ფინალურ შეხვედრაში “ტრენჩინი” 2:1 დაამარცხა (პირველი მატჩი 0:0 იყო დამთავრებული) და ბრატისლაველები თასის ფინალში გავიდნენ.
კანკავამ შეუცვლელად ითამაშა და 73-ე წუთზე ყვითელი ბარათი მიიღო. კაშია კი, სამატჩო განაცხადში არ ყოფილა.
ვლადიმირ ვაისის “სლოვანი” თასის ფინალში “სენიცასა” და “სპარტაკ ტრნავას” შორის საუკეთესოს შეხვდება.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
“სლოვანი” სლოვაკეთის ჩემპიონატში 67 ქულით პირველ ადგილზეა, მეორე ადგილოსან “რუჟომბეროკს” 14 ქულით უსწრებს და ჩემპიონობაც განაღდებული აქვს.
GIPHY App Key not set. Please check settings