in ,

სალომე ფაჟავამ ოლიმპიადა მე-17 ადგილზე დაასრულა

23 წლის ქართველმა სპორტსმენმა სალომე ფაჟავამ ტოკიოს ოლიმპიადაზე მხატვრულ ტანვარჯიშში შეჯიბრში მე-17 ადგილი დაიკავა და ვინაიდან ფინალში 10 საუკეთესო გადიოდა, გადამწყვეტი ეტაპის მიღმა დარჩა.

ფაჟავას ბოლო როტაციაში ლენტით უწევდა ასპარეზობა და საკმაოდ მაღალი შეფასება (20.650) დაიმსახურა, თუმცა, წინა 3 გამოსვლის ჯამში არცთუ სახარბიელო შედეგი ჰქონდა და მიზანს ვერ მიაღწია.

ვარჯიში რაჭულის ფონზე: ფაჟავას 69 ქულა აქვს

შეგახსენებთ, რომ სალომე რგოლით ასპარეზობაში მე-14 იყო, ბურთით შეჯიბრში მხოლოდ – 21-ე, გურზებით ვარჯიშში კი მე-10 შედეგი დააფიქსირა.

ორი მოძრაობის შემდეგ სალომე ფაჟავა მე-18 ადგილზეა და ფინალის შანსი ძალიან მცირეა

კონკრეტულად ლენტით ვარჯიშში ქართველი სპორტსმენის მაჩვენებელი მე-8 იყო, საერთო ჯამში კი, მან 89.650 ქულა მოაგროვა და როგორც აღვნიშნეთ, 26 მონაწილეს შორის მე-17 იყო. ცნობისთვის, გასულ რიოს ოლიმპიადაზე სალომე ფაჟავამ მე-14 საფეხური დაიკავა.

ავტორი Tato Nikuradze

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Loading…

0