რაფაელ ლეაუს ფანი დაემუქრა

„მილანი“ 11 წლის შემდეგ სკუდეტოს მფლობელია და ამაში რაფა ლეაუს წვლილი უდიდესია. 23 წლის პორტუგალიელმა გასულ სეზონში 11 გოლს 8 ასისტი დაამატა და არაერთი დრიბლინგითაც გამოირჩა, შესაბამისად, მისი გადაბირებით უკვე გრანდები დაინტერესდნენ. ყველაფერს კი ის ემატება, რომ ლეაუს მოქმედი კონტრაქტი დასკვნით , ორ წლიან პერიოდში შევიდა და „როსონერის“ ქომაგები აღელდნენ.

ყველაზე საინტერესო ერთ-ერთი ქომაგის თვითი აღმოჩნდა, რომელსაც მარცხენა ფეხზე ლეაუს გამოსახულება აქვს ამოტვიფრული. „გაახანგრძლივე კოტნრაქტი, თორემ ფეხს მოვიჭრი!“ – თვითის შინაარსი ამგვარია და ეს პოსტი სოციალურ ქსელში ძალიან პოპულარული გახდა.

დადებიდან მალევე პოსტს 700 მოწონება ჰქონდა და ბოლოს რაფა ლეაუმდეც მიაღწია, რომელმაც ტირილისა და თხოვნის ემოციებით უპასუხა.

ისე, გულშემატკივარს შეუძლია დამშვიდდეს, რადგან DAZN-თან ინტერვიუში ლეაუმ თქვა, რომ ახალ კონტრაქტზე მოლაპარაკებები მიმდინარეობს და დიდი სურვილი აქვს, რომ „მილანში“ დიდხანს დარჩეს.