პორტუგალიაში გიორგი აბუაშვილის დებიუტი შედგა. პორტუგალიის 19-წლამდე ჩემპიონატის მატჩში “პორტუმ” შინ “რიუ ავე” მიიღო და მინიმალური სხვაობით 1:0 დაამარცხა.
ქართველი გულშემატკივრებისთვის სასიამოვნო სიახლეა, რომ გიორგიმ ტრავმის შემდეგ პირველი მატჩი ჩაატარა, ახალგაზრდა ფეხბურთელმა “პორტოში” სადებიუტო შეხვედრაში მოედანზე 65 წუთი დაჰყო.
გიორგი “პორტუს” B გუნდის წევრად მოიაზრებოდა, თუმცა როგორც ჩანს ტრავმის შემდეგ ფეხბურთელი სათამაშო პრაქტიკას 19-წლამდე გუნდში მიიღებს.
ასევე სასიამოვნო ინფორმაციაა, რომ გიორგი ახალგაზრდულ ჩემპიონთა ლიგაზე “პორტუს” განაცხადშია და შესაძლოა ქართველმა ფეხბურთელმა “მილანის” წინააღმდეგ ითამაშოს.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
შეგახსენებთ, რომ 18 წლის აბუაშვილი პორტუგალიურ გრანდს სეზონის დასაწყისში თბილისის “დინამოდან” შეუერთდა.
GIPHY App Key not set. Please check settings