კილიან მბაპე გახდა ლიგა 1-ის საუკეთესო ბომბარდირი და ასისტენტია.
23 წლის თავდამსხმელმა 35 მატჩი ჩაატარა, 28 გოლი გაიტანა და 14 საგოლე გადაცემა გააკეთა. მეორე ბომბარდირმა, „მონაკოს“ ვისამ ბენ-იედერმა 3 გოლით ნაკლები გაიტანა.
მბაპემ ჩემპიონატის ბოლო ტურში „მეცს“ 3 გოლი გაუტანა. ფორვარდმა მე-6 ჰეთ-თრიქი შეასრულა ლიგა 1-ში, 21-ე საუკუნეში მე-2 ადგილზე გავიდა და ყოფილი თანაგუნდელი ედინსონ კავანის გაასწრო (5).
უფრო მეტი ჰეთ-თრიქი 2001 წლის შემდეგ აქვს კიდევ ერთ ყოფილ პსჟ-ელ ზლატან იბრაჰიმოვიჩს (7).
![](https://avoe.ge/wp-content/uploads/2022/10/foto-metz-30-joie-mbappe-1024x683.jpg)
ლეო მესიმ 14 საგოლე პასით მე-2 ადგილი დაიკავა ასისტენტებს შორის.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
სტატისტიკის მხრივ მესიმ ერთ-ერთი ყველაზე ცუდი სეზონი ჩაატარა.
არგენტინელმა საფრანგეთის ჩემპიონატში 6 გოლი გაიტანა და 14 პასი მისცა. ჯამში 20 შედეგიანი ქმედება აქვს.
ბოლოს ლეომ „გოლი + პასის“ სისტემით 22 ქულაზე ნაკლები 2006/07 წლების სეზონში დააგროვა. მაშინ მან 14 გოლი გაიტანა და 3 ასისტი მიითვალა „ბარსაში“ ჩატარებულ 26 შეხვედრაში.
![](https://avoe.ge/wp-content/uploads/2022/10/foto-metz-19-messi-1024x683.jpg)
პსჟ გახდა მესამე კლუბი, რომლის რიგებში ნეიმარმა 100 გოლი გაიტანა.
აქამდე ბრაზილიელს 100 გოლი გაუტანია „სანტოსსა“ და „ბარსელონაში“ თამაშისას.
ნეიმარი 21-ე საუკუნეში მეორე მოთამაშე გახდა, რომელმაც მოახერხა 100 გოლის გატანა სამ სხვადასხვა კლუბში. აქამდე ეს გაუკეთებია კრიშტიანო რონალდოს – „მანჩესტერში“, „რეალსა“ და „იუვენტუსში“.
ნეიმარმა პირველად ჩაატარა ლიგა 1-ში 20-ე მეტი მატჩი – 22.
ნეიმარი პარიზულ გუნდში 2017 წლიდან გამოდის. სადებიუტო სეზონში 20 მატჩში ითამაშა და ეს საუკეთესო მაჩვენებელი იყო წლევანდელ სეზონამდე.
![](https://avoe.ge/wp-content/uploads/2022/10/foto-metz-41-neymar-1024x683.jpg)
GIPHY App Key not set. Please check settings