ნოვაკ ჯოკოვიჩმა უიმბლდონი მეშვიდედ მოიგო!

ნოვაკ ჯოკოვიჩი, გნებავთ ჩოგბურთის მონსტრი, გნებავთ უბერებელი ტალანტი, გნეაბვთ ლეგენდა. 35 წლის სერბმა კარიერაში მე-7 უიმბლდონი და 21-ე დიდი სლემი მოიგო…

ჯოკოვიჩი, ნადალი, ფედერერის ერას დასასრული არ უჩანს. არადა ალკარასი, ციციპასი, მედვედევი და არაერთი საინტერესო ახალგაზრდა წამოვიდა, მაგრამ ჯოკოვიჩი, ნადალი…

ამ ფინალშიც ისე დალაგდა, რომ ნოლე და რაფა უნდა გასულიყვნენ, მაგრამ რაფა ნახევარფინალიდან ჩაეხსნა, რადგან მუცლის პრესის ტრავმა გაუმიზეზდა და კირიოსს საფინალო საგზური დაუთმო.

ფინალში ჯოკომ ყოველგვარი გართულების გარეშე, 3:1 დაამარცხა ნიკ კირიოსი და აურაცხელი რაოდენობის ტიტულს, მორიგი უიმბლდონი მიამატა…