Tato Nikuradze
საქართველოს 2021 წლის საუკეთესო მსაჯი ნიკა ამაშუკელი 2022 წლის 6 ერის მატჩებს იმსაჯებს.
მსოფლიო რაგბიმ ქართველი არბიტრი მსოფლიოს იმ 15 საუკეთესო მსაჯს შორის შეიყვანა, რომლებიც ევროპული რაგბის ყველაზე პრესტიჟულ ტურნირზე იმსაჯებენ.
ამაშუკელი ირლანდია-იტალიას მატჩის მთავარი არბიტრი იქნება. საფრანგეთი-იტალიას კი, გვერდითი მსაჯის რანგში მოემსახურება.
ნიკა ამაშუკელმა ამ თემაზე კომენტარი გააკეთა.
“მსოფლიოს 15 საუკეთესო მსაჯში მოხვედრა ძალიან დიდი პატივი და უდიდესი პასუხისმგებლობაა. პატარაობაში, როცა 6 ერის მატჩებს ვუყურებდი, ვერასდროს წარმოვიდგენდი, თუ ოდესმე მეც ამ ტურნირის შემადგენელი ნაწილი გავხდებოდი”, – თქვა ნიკა ამაშუკელმა.
ნიკა ამაშუკელი Tier 2-ის ქვეყნის პირველი წარმომადგენელია, რომელიც 6 ერზე იმსაჯებს.
GIPHY App Key not set. Please check settings