2 ივლისს, „რიყის პარკში“ ამერიკული სპორტისა და კულტურის ფესტივალი გაიმართება, რომელიც აშშ-ს დამოუკიდებლობის დღეს (4 ივლისი) ეძღვნება და ამერიკის სპორტისა და კულტურის ასოციაციის ეგიდით ტარდება.
![](https://sport4me.ge/wp-content/uploads/2023/06/356821767_825219435790335_4012320741192969140_n-1024x683.jpg)
ფესტივალი მიზნად ისახავს საქართველოში ამერიკული კულტურის, სპორტის, მუსიკისა და ხელოვნების სფეროში მოქმედი ყველა ინსტიტუციის საქმიანობის შესახებ ცნობიერების ამაღლებას. ფესტივალში ჩართულია 15-ზე მეტი სპორტულ-კულტურული სახეობა: ამერიკული ფეხბურთი, ბეისბოლი, ქუჩის კალათბურთი (სთრითბოლი), ჩერლიდინგი, დრამსქული, აირსოფტი და სხვა.
![](https://sport4me.ge/wp-content/uploads/2023/06/355057905_654537933382524_3183070262574049784_n-1024x716.jpg)
ჩატარდება სხვადასხვა აქტიობები, ტურნირები, გათამაშებები, პერფორმანსები.
ტერიტორიაზე განთავსდეა სცენა, სადაც დაუკრავენ ცნობილი ქართველი არტისტები, ხოლო დღის ბოლოს ღონისძიებას დაასრულებს ელექტრონული მუსიკის ივენთი.
![](https://sport4me.ge/wp-content/uploads/2023/06/355718373_5794107007356679_4047185482232715113_n.jpg)
ტერიტორია დაიყოფა პავილიონებად, სადაც შეხვდებით ამერიკული ცნობილი ბრენდების კუთხეს, ამერიკულ კულინარიას, სადაც შესაძლებელი იქნება ბურგერების, ჰოთდოგების და სტეიკების დაგემოვნება.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
ფესტივალი გაიხსნება 13:00 საათზე და დღის ბოლომდე გაგრძელდება.
![](https://sport4me.ge/wp-content/uploads/2023/06/355663319_1323936408474714_342475894090341100_n-1024x683.jpg)
GIPHY App Key not set. Please check settings