ვიდეო: გოგას ორმაგი დუბლი - ბითაძემ ერთ-ერთი გამორჩეული მატჩი ითამაშა

NBA-ში პირველი თამაში მოიგო გოგა ბითაძის „ინდიანა პეისერსმა“, რომელმაც საწყისი ორი მარცხის შემდეგ „დეტროიტი“ დაამარცხა – 124:115.

ქართველს ერთ-ერთი საუკეთესო მატჩი ჰქონდა. მან 25:23 წუთი ითამაშა და ორმაგი დუბლის გაფორმება მოახერხა. გოგას ანგარიშზეა 14 ქულა, 15 მოხსნა (8 შეტევაში), 4 პასი, 1 ჩაჭრა და 1 დაფარებაა. ეს ბითაძისთვის მოხსნებში კარიერაში საუკეთესო მაჩვენებელია.

გოგამ 3-დან ერთი 3-ქულიანი ჩააგდო, სამაგიეროდ ორქულიანები 100%-იანი სიზუსტით ესროლა და 5-დან 5-ვე ჩააგდო, 4 ჯარიმიდან კი ერთხელ ესროლა ზუსტად. ამასთან, 3-ჯერ დაჯარიმდა და ერთხელ დაკარგა ბურთი.