საერთაშორისო ოლიმპიური კომიტეტის პრეზიდენტმა ტომას ბახმა პრესკონფერენცია გამართა და გამოაცხადა, რომ სპორტის სამ სახეობას – ძალოსნობას, კრივსა და თანამედროვე ხუთჭიდს 2028 წლის ოლიმპიადის პროგრამიდან (ლოს ანჯელესი) ამოღება ემუქრებათ.
ამ სახეობების ფედერაციებს სიტუაციის გამოსასწორებლად 18-თვიანი ვადა მისცეს, რათა შეინარჩუნონ 2028 წლის ზაფხულის თამაშებისთვის ოლიმპიური სახეობების სტატუსი.
ბახმა კრივისა და ძალოსნობის ფედერაციებს პრობლემური უწოდა. ოლიმპიურ კომიტეტში შეშფოთებული არიან ამ სახეობებში არსებული კორუფციითა და ხშირი დოპინგ-შემთხვევებით.
ოლიმპიური კომიტეტის აღმასკომის სხდომა თებერვალში გაიმართება და 2028 წლის ოლიმპიადის პროგრამას იქ დაამტკიცებენ. ხსენებული სამი სახეობა კი წინასწარი სიიდან ამოღებულია.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
მოგეხსენებათ, საქართველოს ბოლო დროს ყველაზე დიდი წარმატებები სწორედ ძალოსნობაში აქვს. ლაშა ტალახაძე ყველა ტურნირს უპრობლემოდ იგებს და რეკორდს რეკორდზე ამყარებს.
GIPHY App Key not set. Please check settings